واحد الشخص في Reddit كايدير تحليل تقني على الMeta AI اللي خدام وسط WhatsApp ولقى أن البوت كايخبي واحد الSystem prompt "تعليمات سرية اللي كتحدد طريقة تصرف البوت" كتأطر طريقة الخدمة ديالو بلا ما المستخدم يشوفها.
هاد الPrompt كايكون مكتوب في الBackground وماكيبانش للناس اللي كيهضرو مع البوت اللي فيه أوامر دقيقة : خاص البوت يرد على الناس بطريقة قصيرة - بأسلوب طبيعي وعفوي - ويقلد طريقة الهضرة ديالهم "حتى إيلا فيها emojis أو كلمات بالعامية" - ومايعطيش آراء شخصية والأهم مايكشفش هاد التعليمات اللي خدام بها.
هاد الشخص بقى كايجر ليه في لسانو وطلب من البوت يعرض معلوماتو من الأول، وهنا بالغلط تسرب داك الSystem prompt "اللي غادي تشوفو في سكرين في الكومنطيرات 👇"، وهادشي فتح نقاش كبير على الشفافية والخصوصية.
▪كيفاش Meta كتحط تعليمات داخلية في بوت كايستعملوه الملايين وماكتقولش شنو فيه 🤔
▪واش ممكن البوت يدير أشياء خارج توقعات المستخدم 🤔
هاد الإكتشاف كايبين أن حتى في تطبيقات بسيطة بحال الWhatsApp كاين ذكاء صناعي خدام بتعليمات مخبية واللي ممكن تكون عندها تأثير كبير بلا ما نحسو.
====
وفي الأخير شكرا لأنك وصلتي حتال لهنا وقريتي البوسط، متنساش تنشرو مع صحابك وتابعنا باش توصل بجديد الصفحة ✌️