"كاين واحد النوع من الآباء… ما كيهضرش بزاف، ومكيبانش فالعواطف، مكيعنقش، ومكيعرفش يقول كنبغيك… ولكن كيعرف كيفاش يفيق بكري، يخرج يخدم، يعراق، ويجيب القوت لولادو. كيعرف كيفاش يشد الهموم فصدرو، وما يخليش حد يحس بيه، كيعرف يتحمل كل مسؤولية البيت.
وفوسط هاد الصمت ديالو، كتسمع ولدو يقول: بابا اناني ومكيهموش أمري…
وكتقول الزوجة: هو غير مع الخدمة، ما كيسوقش لينا وومساليش حتى يجلس او يلعب او يخرجنا حتى…
ولكن واش بصّح هو ما كيسوقش؟ ولا هو تايه فدور الأب اللي تربى عليه؟
المشكل ماشي فالحب… المشكل فطريقة التعبير عليه، المشكل ماشي فالحب فطريقة التواصل بينهم ، فكل واحد كيشوف الحب من وجهة نظره ، اريد تعليقاتكم القيمة على هد الموضوع وشكرا ."